O VITOMIR MIHAJLOVIĆ ASO NEVO AMARO LAFI DA LI O ROMA DJANEN KOZOM I MANAJUTIKANES I STRATEGIJA ?

LESKOVAC

O  presidento Nacionalno konsilesoro e Roma  Vitomir Mihajlović vačeri asi Nevo Amaro lafi  so e nakhli strategija isila plo manaipe.
“Anlo sa adava si dokumenti kova si ano sasoitno leljape aso  romano  nacionalno katanipe.Thaj oto adava  angluno  dokumenti amen vazdinđam  o romano nacionalno katanipe ko esavko nivo  thaj te jekhjekhuthno elestar te vačeripe thaj te arakipe o čeripe  problemengoro  e Romengoro maškoro  institucije, a adav si orthojo thaj ine resipe e strategijakoro. Adava so ola isi ekavuthno kamjabijalipe ano disuthne rajonia, a kaj te inola kamjabijalipe semo ano rajoni edukuipnasoro thaj sastipnasoro, đikaj o rajoni  butićheripnasoro  thaj te phena ćherbešipnasoro  nesar ine ano  rigipe,  adava  kaj  nane problem e romane nacionalno katanipnsoro, adava si anglo sa  problemi  okolengoro  kola valjande te implementirinen o akciona plania aso kola  si  džovapime. Pale phenava, adaja  strategija dinđa šaipe te vačeripe oto Roma thaj eto romano nacionalno khatanipe,  te o problemi  e Romengoro  ćherelape te ovel  dikhljardo thaj akana đa premali dujtho  strategija,  maškariphno  lunđaripe akala strategijakoro, pa nesar  avre  dumipna  oto nakhajba akala dujthona  strategijakoro, a  adava si te ovelpe,  anglo sa, džovavipnasoro prašasapno badano kova  ka prašasapini  akala  strategija soj si normalno kana ćherelpe  oti strategija koja si  anglo sa  manajuthni aso anglunićheripa  e romane trđovipnasoro nacionalno katanipnasoro ani  Srbija”.
Ko pučipe kobor si o Roma gođale oto šaipna  kola dela e strategija  aso  pošukaripe  sasaithno trđovipe romane katanipnasoro o Mihajlović vačeri  so “pobaro kotor  peravćherdengoro  romane nacionalno katanipnasoro nane  gođardo  oto manipne strategijakoro”.
“On si sikle te oven džongalćherde  maškaro dinde  projektija  kaj duminena soj si e strategija nesavo projekti  kova  pale ka ovel avdije ate,  a tajsa na ka ovel ate,  thaj na ka ovele  dikhlo ćheripe.  Ankova, e strategija nane projekti  thaj  andi strategija na ikljovena projektija,  e strategija si dokumenti  kova  e  Vlada  Republika Srbijakiri leljale pese  thaj oj ando budžeti,  ikali nesave  vasušthja kola implementerinenape  premalo  delimisarde  ministrije kola si  patalome aso nakajba  e strategija.  Thaj adava si  diferenca  maškari strategija  thaj sa akala aver projektija. Adalese aso pobaro kotor vastušja valjani te domoćheramen  ko maškharslorikane  fondija, anglo sa  ki Evropska unija  thaj duminava so ka akaja strategija ka fundini  plo ičeripe ortojo ko akala fondija  thaj ko budžeti  Republika Srbijakoro”.
Ko pučipe kola si  klidarde problemija kola  dikhela ano akava zamani ano  romano katanipe  ani Srbija  o Mihajlović  džovapini  “butićheripe”.
“Adava si jekh oto klidarde  problemija, adav si problemi  kolea amen  ortojo  jakaćheramen.  Jel, kana isitut  Rom kova ćherela buti ov šaj  pese te anel  savevaljani  ćhinadipna aso ćherbešipe,  misalćherde ćhinadipna  adar te phenav, šaj te  edukuini  ple ćhave kova  tajsa  šaj te ovel integrisime. Jel semo  edukuime Rom  šaj te ovel integrisime ano sa akala amalipnasere thana ani Srbija  thaj  semo  Rom kova ćherela buti šaj  te anel matrijalna vasuštja te bi olesoro njamo saj te  ačol, thaj semo Rom kova ćherela buti ka ačol ki pli jag thaj na ka rodel drom premali Evropsko unija te bi adari anela nasave, ađar te phenav, privilegije te  ćherel majfundome vasuštja  aso plo njamo”.

Ostavite komentar

avatar
  Prati  
Obavesti me o
Проститутки Бишкека