OLIVER SAITOVIĆ, PEDAGOŠKO ASISTENTI KI SIKAVNI „SVETOZAR MARKOVIĆ“

LESKOVAC

Iako i ko anav pedagosško asistenti , lafi ulo taro Romano asistenti ano sikavipe sar so inele olengoro anav kad lelje te ćheren buti,kasri i buti te del ićheriba e sikavnenđe ano sikaviba , te ovel spona maškaro jeri hem i sikavni, sikavni hem sikavno, te nakhaji o informacije hem te del krlo kova ćherena o ćhavore, ađahar hem e jerjese, sar bi sa adava šaj po šukar te funkcionišini.Oliver Saitović ko adava than ćherela buti šov berš , ađahar da šaj i te mothoji  nesave ple đandipa tari adija buti koja ćherela.

Ki Sikavni“Svetozar Marković“ isi 7-10%romane ćhavore , so i 130-150 ćhavore. Adava i ko lil ali realno nikad nane odoborkha romane ćhavore ki adija sikavni. Migracija i bari , manuša đana te ćheren buti ki lumija ili ko nesave sezonska bućha i na aćhavena ple ćhavoren, jer nane ko te arakhelen. O sezonaska bućha lenape taro masek maj –jun,pa bahtasa da i agor taro sikavno berš ko prvo mašakrutno masek jun, ađahar da adava i nane baro našaliba kova našti te reselpe. Inele i ćhavorikane prandima , ali adava i ipak tikoro numero, nane but , bar od kad me injum akate.

Ćhavorikane prandima i, zali sikavni, problemi kova đerdini but po hor ano amalikano trajo e Romengoro. O Saitović phenela da but dena zor te irinen i godi taro Roma.

Mada majbuderi ineamen jek bućharni ano savi ki jek rig inele o jeri aki dujto o ćhavore taro po bare razredija kote aljarđamolenđe save i sa problemija kola anena o tikoripnasere, ćhavorikane prandima. Isima ki godi da adava isi efekti , inele 20 đene, jeri e ćhavorengoro   hem o sikavne. Ka ovelmen panda jek bućharni ko masek januar ki isto tema. Kad irina, adava i baripe , sa so phenaja „kad o hormonija khuvena ani godi“e čhavoren“khuvela“o pubertet, anda avela ko adava da o ćhavore nane ko sikavipe…Me onda olengere  jerjea ćherava lafi hem najšukar arakaja šukar arakiba. I korkore adala ćhija dikhena da nane šukar te denpe terne sa 14,15 berš, jer sar so phenelape“ni kafa na đanana te ćheren“ , a akamoli te len o ćher upra peste. Ate delamen dumo i Organizacija“ROSA“ koja i praktično ko vakeriba anela i romnjen kolen isolen esavko iskustvo , đanen sari kad delape ano 15 berš hem taro plo iskustvo vaćerena adava te na ćherelpe.Ali ki rik panda jek tradicija ađahar pohari našalđola, okova ko lafi prandimasere , kad o jeri phenelaće „adalese ka detu i tačka!“ O vakeriba ko ćherutne i aver ćhane, pharo i ki sila te delen ko prandipa.“

Nane nesave problemija ani komunikacija sa jeri , vaćeri o Saitović, jer o sikavne ki akija Sikavni ule tari Sat Mala, kote on i trajinena.

„Sare amen maškaramende đanamen hem najangleder avela, kad đava nekaste te vaćherimanđe“So akana pale ćherđa“?.Tari aver rig, avela da o jeri našti te delen zori te avek ki sikavni, pa mora te bićhalalenđe lil sar bi avena, so on adava i lena ki godi. Generalno , sa jeri isima šuakr vaćeriba. Za bilo so đeljum olende on leljepe ki godi , čak odobor dur đana da phenena i ako valjani i te khuvav olengere ćhaven(asala).Me adava nikad na ka ćherav. E, akana, ćhavore sar ćhavore,nesave i ćhere mirna, a ani sikavni nemirna, ili ki aver rig,e ćherutnenđe ikljola ko šhero , a ki sikavni o ćhavoro na šunđola….“

O Saitović anglaćerel ki šukar saradnja e direktoreja hem o pedagog tari sikavni.

„Ko berš jekputi ili dujputi ćhedaja sa e romane ćhavoren i vaćheraolenđe da ate amen injam zbog olenđe, hem bilo savo problemi isilen ki sikavni, ćhere, ki ulica, bilo kote, te vaćherenamenđe sar bi adava pšroblemi agosaraja. Isiamen šukar haljojba tari olengiri rig , sar hem olengoro poverenje. Svako berš organizujinaja akcija kote ćhedaja sikavnipasere lila taro po purane generacije i daja za ko jeri kova nanole love te ćhinen adala sikavne lila pe ćhavorenđe. Mora te vaćherav da amen na cidaja e ćhavoren , o sikavne lila lena sare na dikhaja ko nacionalnost.“

Generalno, o Oliver Saitović i zadovoljni i e ćhavorencar i sa olengoro jeri kasa dela godi.

Ki godi, šaj,magaja i valjani te đa po šukar anglal.

Importantno i da isi efekti ko adava vaćereiba. Nesavo puti valjanol po but te vaćera, jer ćhavore sar ćhavore , mangena nesavo puti i te kontririnen, nesavo puti lena i kritika i laćharen pli bilaćhipe….“

Ostavite komentar

avatar
  Prati  
Obavesti me o