LESKOVAC
(Nova Naša reč)
Ki paluthni bešljardi e Dizijakere pobaresoro anđape krisi te lelpe te ćherelpe Thanuthno akciono plano aso nakavpe e strategija aso anglunoćheripe trđovipnasoro e Roma, ko vakhti oto 1.1.2016 đi o 31.12.2019.berš, thaj anavćherdepe o đene bućarne minoresere aso ćheriba akava plano.
E Skupština dizija Leskovcakiri, ki 33.bešljardi, ičerdi 26. januvari 2012.berš lelja pese Thanuthno akciono plano aso nakavipe e strategija aso anglunoćheripe trđovipnasoro e Roma ko than dizija Leskovcakoro, kova maškarđape ko vakhti oto štar berš, thaj adava oto 2012. Đi o 2015.
Sar akale akciono planesoro traipe ikljola, valjani te anelpe nevo Thanutno akciono plani aso nakavipe e strategija aso anglunićheripe trđovipnasoro e Roma aso vakhti oto 1.1.2016.berš đi o 31.12.2019.berš thaj te anavćherelpe bućarno minori kova ka ćherel nacrti e Thanuthne akciono planesoro. Vakhti aso ćherida thaj dejba akava akciono plano e Dizijakere pobarese si 15.decembar akava berš, pale kova akava dokumenti ka bičalipe e dizijake Skupštinaće ko majdur nadležinipe.
Dizijakoro pobaro asloserđa 15 đenen bučarne minoresoro kova ka ćherel buti ko ćheripe akale aktesoro. Aso president asloserđape o Vasip Bakić, koordinatori nacionalno minoritengoro.Đene bućarne minoritesere si: Biljana Marinković, vasigardo bućengoro asi primena thaj dikhipa preventivna thaj vaspitna programia, sar perićherdo Dizija prašasnakoro aso amalipnasere delatnostia, Slobodan Bakić, bućarno ano Ćher kulturakoro e Roma ani Leskovca, Tanja Stanojević, profesori biologijakoro ani fundome sikadakiri „Milutin Smiljkvić“ ani Vinarca, Marija Mustafić, pedagoško asistenti u fundome sikadi „Milutin Smiljković“ ani Vinarca, Bratislav Jašarević, bućarno ani Policijsko prašasni Leskovac, Šerif Bakić, pastiri e kanđirjakoro, Nenad Ilić, preduzetniko, Bojana Mladenović, pobari medicinsko pen, perićherdi Ćher sastipnasoro Leskovac, Branislav Urošević, korkoro policijsko inspektori, perićherdo Policija prašasnakoro, Dragana Simonović, gođićherdo aso butićheripe, perićherdo Nacionalno kandljakoro aso butićheripe ani Leskovca, Vladimir Amzić, direktori Ćher kulturakoro e Roma ani Leskovcu, Miloš Stevanović, pravniko, perićherdo Maškaresoro asi socijalo buti, Vanja Ilić, pimarijus doktori, perićherdi Zavodesiri aso themsko sastipe thaj Vesna Stanković, asistenti aso prašasipe projektenca, perićherdi Agencijakiri aso thanuthno ekonomsko barjovipe.